ရေဘေး၊ လေဘေး၊ငလျင်ဘေးတို့မှ ကင်းဝေစေဖို့
ဦးခိုက်ပူဇော်ညွတ်တွားလောကသယမ္ဘူမြတ်စွာဘုရား
အလိုတော်ပြည့်ဆရာတော် ဒေါက်တာဘဒ္ဒန္တအရိယ၀ံသ
စိမ်းညက်ပြာလွင် ရေကမ္မလာခင်းကြီးသည် ကျယ်ပြန့်စွာ
မျက်စေ့တဆုံးစွဲဆောင်သွားသည်။ ရေသင်ဖြူးပေါ်မှာ
ကြည်လဲ့တောက်ပသော လှိုင်းလုံးငယ်တို့က လေပြေညှင်း
ဆောင်ယူရာကမ်းခြေတွင် အနားသပ် ဦးခိုက်၏။
ငပလီကမ်းခြေမှာ မျက်စေ့ပသာဒ အနားယူနေကြသူတွေ
ရေလှိုင်းစီး ပျော်ရွှင်မြုးတူးနေသူတွေ အရွယ်စုံ အရောင်စုံ
ဝါသနာစုံ ဘ၀စုံတို့မှာ သဲသောင်ပြင်မှာ ခရုခွံလေးတွေနှင့်
အပြိုင်ပါပဲ. ကြည့်တတ်လျှင်တော့ လောကဇာတ်ခုံပါပဲလေ။
ငပလီကမ်းခြေ ပင်လယ်ပြင်ရူခင်း နောက်ခံမှာတော့
ရခိုင်ရိုးမတောင်တန်းကြီးက ပြေးနေရင်းမှ ခုန်တော့မည့် နဂါးကြီး
လို လူးလူးလွန့်လွန့် ၀င့်ဝင့်ကြွားကြွား ရှိနေသည်။
သံတွဲမြို့နယ်မှ တစ်တောင်လုံး အကျယ်အ၀န်း
ဧကသုံးဆယ်လောက်ရှိသည့်မဒေးတောင် ဆိုတာက မဒေးဝါများ
အများအပြား ပေါက်ရောက်သဖြင့် လေတိုက်လိုက်တိုင်း
တရှဲရှဲမြည်အော်နေသောတောင်တစ်လုံးဖြစ်ပြီး
ယင်းတောင်ပေါ်မှာ စတုရန်း ငါးဖာလုံခွဲလောက်ကျယ်သော
အမတသုခတောင် ရှိပြီး ထိုတောင်၏တောင်ဆွယ်
တစ်ခုက ပင်လယ်ကမ်းခြေသို့ ရေသောက်ဆင်းနေသော
ဟင်္သာလေးတစ်ကောင်လိုပင် လှပစွာရှိနေသည်။
ပင်လယ်ရေလှိုင်းလေးတွေက တောင်စွယ်အောက်ခြေကို
လာရောက်ဦးခိုက်ညွတ်တွားကြကုန်၏ တောင်စွယ်မှာ
တစ်ဖာလုံးနီးပါးရှိသည်။

ယင်းအမတသုခတောင်သည် အခြားတောင်ထွတ်များထက်ပို၍ မို့မို့မားမားရှိနေပြီး ယင်းတောင်ထက်မှာ
ဆရာတော်သည် ဘုရားတည်ရန် ရည်မှတ်ခဲ့သည်။ ထိုတောင်ကိုလည်း ဆရာတော်ပင် အမတသုခတောင် ဟု မှည့်ခေါ်ခဲ့သည်။
ယင်းတောင်ပေါ်တွင် မြန်မာ့တိုင်းရင်းဆေး ဆေးဖက်ဝင်အပင်များ များစွားပေါက်ရောက်ကြသဖြင့် ဆေးဆရာများစွာ
ဆေးမြစ်တူးလာကြသည်။

လွန်ခဲ့သော ဆယ့်ငါးနှစ်ခန့်က ဤတောတောင်ထဲမှာ ဆရာတော်တစ်ပါးတည်း သုံးလခန့် ဓုတင်
တရားကျင့်သုံးပြီး သတိပဌာန်တရားအားထုတ်ခဲ့သည်။ သရဲတစ္ဆေပေါပြီး ကြမ်းတမ်းခြောက်ခြားစရာမြေဖြစ်သည်။ ဆူနာမီမွှေခဲ့စဉ်
က ပင်လယ်ကမ်းခြေရေခမ်းသွားတာ၊ တံငါလှေလေးတွေ မျက်စိရှေ့မှာပင် ပျက်စီးကြွေမွနစ်မြုပ်ခဲ့တာတွေဈ လူတွေ လှိုင်းလုံးဝါးမြိုခံ
ရတာတွေ မြင်ရသိရကြားရတော့ ဆရာတော် စိတ်ထိခိုက်မိခဲ့သည်။

ဒါကြောင့် ဤတောင်အမြင့်ပေါ်မှာ ဘုရားတည်ရန် အဓိဌာန်ဆောက်တည်ပြီး ကမ်းခြေတစ်ဝိုက်သို့ လာရောက်ကြသူများနှင့်
ဤပတ်ဝန်းကျင်တွင် မှီတင်းနေထိုင်သူအပေါင်း ရေဘေး၊လေဘေး၊ ငလျင်ဘေး စသဖြင့် ဘေးဒုက္ခများမှ လွတ်ကင်းစေရန်
ရည်မှန်း၍ ဘုရားတည်လိုပါကြောင်း တပည့်ဒါယကာတစ်ဦးအား ညွှန်ကြားတိုင်ပင်သည့်အခါ တပည့်ဒါယကာက
ဆရာတော်၏မေတ္တာ၊ စေတနာ၊ ဂရုဏာတော်အားအလွန်အံ့သြမိပါတယ်ဘုရား၊ ဒီလိုနေရာမှာ ဒီလို ရည်မှန်းချက်ရှိတာဖြင့်
အရင်ဘုရားရဲ့ လောကီ လောကုတ္တရာ ဘက်စုံအသိပညာဗဟုသုတကြွယ်ဝမှု အတွေးအခေါ် အမြော်အမြင်မြင့်မားမှုတို့ကို
တပည့်တော် လေးစားပူဇော်မိပါတယ် ဘုရား ဆိုပြီး ဘုန်းကြီး၏လမ်းညွှန်မှုဖြင့် ဒီ အမတသုခတောင်ပေါ်မှာ လောကသယမ္ဘူ
ဘုရားကြီးတည်ဆောက်ဖြစ်ခဲ့သည်။

နောက်ထပ်အန္တရာယ် ထပ်မကြုံဆုံလေရအောင် အန္တရာယ်ကာကွယ်နိုင်သည့် အဓိဌာန်ဆောက်တည်ပြီး န၀င်းကြေ
( ဥာဏ်တော် ၅၄ပေအမြင့်ရှိ မားမားမတ်မတ်ကြည်ညိုညွတ်တွားဖွယ်ရာ ဘုရားရှင်ကိုယ်တော်တိုင် ကြွလာဘိသကဲ့သို့
ကြာပလ္လင်ပေါ်တွင် မတ်တပ်ရပ်ဗုဒ္ဓရုပ်ပွားတော်ကြီးကို ကမ်းခြေရူခင်း၏ အဓိကအကျဆုံး တောင်ထိပ်ပေါ်တွင် တည်ထားပူဇော်
လိုက်သည်။

ပင်လယ်ရေဘက်ကို မျက်နှာမူလျက် လက်ဖြင့် ဆီတားဟန် ရုပ်ပွားတော်ဖြစ်သည်။
တောင်၏ လက်ျာဘက်တွင် အလိုတော်ပြည့် ဓမ္မရိပ်သာကြီးတည်ဆောက်ထားရာ ဆရားအားထုတ်နေသော
ယောဂီ ၁၅၀ဦးခန့်ရှိနေသဖြင့် ဘုန်းကြီးမှာ ကြည်နူးမဆုံးဖြစ်ရသည်။ တောင်တစ်ခုလုံးတွင် သာသနိက အဆောက်အအုံများ
များပြားလှသည့် ယောဂီဆောင်များ၊ ရေကန်ကြီးများ၊ ရဟန်းတော်များ သီတင်းသုံးရာ တောကျောင်းများ၊ အုံမှိုင်းဆိတ်ငြိမ်နေသည့်
တောအုပ်၊ သူတောင်စင်များ စင်္ကြန်လမ်း စသဖြင့် ဘုရားရှင်၏ အေးရိပ်တစ်ခုလိုဖြစ်နေသည်။

အေးမြလန်းဆတ်သည့် လေညှင်းတို့ ပျော်မွေ့ရာ ဤပင်လယ်ကမ်းခြေ၏ စိမ်းပြာရောင် ရေပြင်နှင့် တောတောင်
ညိုညိုတို့၏ ပန်းချီကားသည် မြင်ရသူအပေါင်း၏ စိတ်နှလုံးကိုညွတ်နူးစေရုံသာမက မားမားမတ်မတ် ဘုရားရှင်၏ ကြည်ညိုဖွယ်ရာ
အဆင်းက ဖူးရသူအဖို့ အေးရိပ်မှီခိုအားကိုးပူဇော်ချင်စိတ်တွေ ဖြစ်စေသည်။ ငပလီကမ်းခြေ၏ ခပ်ဝေးဝေးနေရာများမှပင်လျှင်
လှမ်းမျှော် ဖူးနိုင်သည်။

၎င်းရုပ်ပွါးတော်မြတ်ကို ၄-၄-၂၀၀၇ရက်နေ့က ပန္နက်တင်မင်္ဂလာ ကျင်းပခဲ့သည်. ၂၄-၃-၂၀၀၈နေ့တွင် ဌာပနာတော်
ပိတ်ပွဲပြုလုပ်နိုင်ခဲ့သည်။ ၁၈-၄-၂၀၀၈ နေ့တွင် သံတွဲမြို့ ဗဟိုဝန်ဆောင်ဆရာတော်ဘုရားကြီးများ မြို့နယ် သံဃာ့နာယကအဖွဲ့
ဥက္ကဌဆရာတော်ကြီးနှင့် အဖွဲ့ဝင်ဆရာတော်များ (၅၄)ပါးပင့်ဖိတ်၍ ကြီးကျယ်ခမ်းနားစွာ အနေကဇာတင်လှူပွဲကို သိုက်သိုက်
မြိုက်မြိုက် စည်စည်ကားကား ကျင်းပနိုင်ခဲ့သည်။

ဘုန်းကြီး၏ အဓိဌာန်ပါရမီကြောင့်လည်းကောင်း၊ အမတသုခတောင်တန်းပေါ်
တွင် တည်ထားသော ရခိုင်ပြည်နယ်၏ အကြီးဆုံးဤ လောကသယမ္ဘူ ရပ်တော်မူကိုယ်တော်ကြီး၏ တန်ခိုးတော်ကြောင့်
လည်းကောင်း ကျရောက်ဆဲ၊ ကျရောက်လတ္တံဖြစ်သော ရေဘေး၊ လေဘေး၊ အန္တရယ်များကို လက်တွေ့ကာကွယ်နိုင်ခဲ့သည်ကို
အများအသိပင်ဖြစ်ပါသည်။ ထိုကြောင့် ဘုန်းကြီးမှာ ၀မ်းမြောက်ကြည်နူးစွာဖြင့် ဘုရားကြီးအား ဤဆောင်းပါးဖြင့်
ပူဇော်လိုက်ရပါသည်။